Sumar konur hafa börn sín á brjósti eftir að þau stálpast
Kostir brjóstagjafar eru alls staðar viðurkenndir og hlutfall þeirra mæðra sem hefja brjóstagjöf hefur hækkað í um 70%. En þótt sérfræðingar segi að margir þessir kostir séu enn til staðar eftir ársaldur þá er fjöldi þeirra mæðra sem hafa börn sín á brjósti fram yfir 12 mánaða aldur minni en 20%.
Jolene Ivey,  fimm barna móðir í Cheverly mother segir: “Því eldra sem barnið er, því erfiðara verður að gefa því brjóst á almannafæri.”

Marianne Vakiener, heimavinnandi móðir í Fairfax, var með son sinn á brjósti til 3 ára aldurs og dóttur sína til 5 ára en ekki án andstöðu.

"Þegar ég var með son minn á brjóst, spurði eiginmaður minn stundum: “Hvenær hættir þú þessu?” vegna þess að stundum þegar hann sýndi áhuga á kynlífi var ég þreytt og hafði ekki áhuga."
Eldri kynslóðir veita e.t.v. ekki heldur mikinn stuðning. Deborah Tobin, hjúkrunarfræðingur og brjóstagjafaráðgjafi í Springfield sem veitir forstöðu vikulegum samkomum mæðra með börn á brjósti á Inova Fairfax sjúkrahúsinu segir: “Foreldrar og tengdaforeldrar spyrja mæður oft í gagnrýnitón: Ertu enn með barnið á brjósti? " 

 

Þrátt fyrir þennan þrýsting sýndi könnun þurrmjólkurframleiðendanna Ross Products Division of Abbott Laboratories hjá 2000 mæðrum að 17,6% barna voru enn á brjósti við eins árs aldur sem er stórt stökk frá 7,5% 1980 og 6,2 % 1990.

Alþjóða heilbrigðisstofnunin WHO mælir með því að mæður brjóstfæði börn sín í a.m.k. 2 ár. Og Samtök bandarískra barnalækna AAP í Illinois mælir í nýjustu skriflegu yfirlýsingu sinni 1997 með því að börn séu höfð á brjósti í að minnsta kosti ár og eins lengi fram yfir það og móðir og barn kjósa.
“Rannsóknir sýna að brjóstagjöf fram yfir ársaldur hefur heilsufarslega kosti fyrir bæði móður og barn,”segir Lawrence Gartner, formaður nefndar AAP um brjóstagjöf. Fyrir barnið eru kostirnir næringarfræðilegir, immunological og þroska.... Fyrir móðurina er lækkandi tíðni á brjóstakrabbameini. Brjóstagjöf hefur líka róandi áhrif á æsta krakka.

Niðurstöður margra rannsókna benda til þess að ef börn fengju að venja sig sjálf af brjósti, myndu þau gera það á aldrinum frá 2,5 – 7 ára, segir Katherine Dettwyler, þekktur mannfræðingur og rithöfundur sem hefur stundað rannsóknir á menningu og brjóstagjöf síðan 1981. Og tölur UNICEF frá 2001 sýna að í mörgum löndum er hátt hlutfall barna enn á brjósti við 20-23 mánaða aldur, sérstaklega í Benin, 64,3 % Indland, 68,9 % Íran, 41 % Eþjópía, 76,6 % og Nepal, 87,7 %.

Ástæður þess að Bandaríkin hafa ekki haldið í við aðrar þjóðir eru fleiri en áhugalausir eiginmenn og mótfallnir aðstandendur. Svefnþörf er ein ástæða í viðbót.  June Fusner, barnalæknir í Kensington segir að sum brjóstabörn vakni oftar upp en önnur á nóttunnni og foreldrarnir séu því þreyttir og stressaðir. Að auki missi mörg börn áhugann á brjóstagjöf í kringum eins árs aldur þegar þau fari að borða venjulegan fjölskyldumat.

Enn ein ástæða er kynlíf. “Hátt hlutfall prólaktíns og lágt hlutfall estrógens sem algengt er hjá konum með börn á brjósti dregur úr kynlöngun,” segir Sheryl A. Ross, kvensjúkdómalæknir í Santa Monica, Calif.

Konur sem ætla að fara í vinnu aftur að fæðingarorlofi loknu hætta oft brjóstagjöf vegna þess að þær halda að hún gangi ekki upp. En raunar getur hún verið til bóta fyrir stór börn. Þau fara yfirleitt ekki á brjóst á daginn svo mæðurnar þurfa ekki að mjólka sig á vinnutíma. Leikskólabörn geta yfirleitt sleppt úr nótt eða jafnvel nokkrum sólarhringum, þannig að móðirin gæti ferðast í burtu vegna vinnunnar. Og brjóstagjöf getur fært bæði móður og barni öryggi og frið, segir Gale Pryor, höfundur "Nursing Mother, Working Mother" (Harvard Common Press).

Ímyndin er líka vandamál fyrir vinnandi konur sem ræða langtímabrjóstagjöf  í vinnunni, segir Pryor, sjálfstætt starfandi blaðamaður ritstjóri í Massachusetts. "Langtímabrjóstagjöf er oft jafnað við einhverskonar náttúrulegt móðurhlutverk sem ekki er samræmanlegt við frama í starfi. Komið með stálpað brjóstabarn á viðskiptafund og ég get lofað ykkur nokkrum hleykslunaraugnaráðum,” segir hún.
Sérfræðingar segja að aðalástæðan fyrir því að börn eru vanin af brjósti um eins árs aldur sé að langtíma brjóstagjöf sé ekki viðurkennd í amerískri menningu. Mörgum þyki börn verða of stór til að vera á brjósti þegar þau nái ákveðnum áföngum í lífinu, s.s. læri að ganga, eða tala eða þegar þau eru nógu stór til að nota skó, segir Mary Lofton, fulltrúi La Leche League International, stuðningssamtaka við brjóstagjöf sem hafa höfuðstöðvar í Illinois. Sumum finnst fráhrindandi þegar barn getur spurt: Má ég fá brjóst núna, mamma?”

Í Bandaríkjunum er litið á brjóst sem kynlífstæki/hluti og þau eiga því að vera hulin á almannafæri. Dia Michaels, þriggja barna móðir í District og forseti Platypus Media, sem gefur út bækur fyrir fjölskyldur, kennara og fagfólk sem leiðbeinir uppalendum, segir: “Brjóst eru notuð til að selja allt frá bjór til bíla og bandaríkjamenn hryllir því við að sjá brjóstagjöf á almannafæri.” Hún segir að sumir sýni hrylling þegar þeir sjái hana gefa fjögurra ára gömlu barni sínu brjóst og hún hefur heyrt athugasemdir allt frá “Þetta er bannað hérna” til “Þetta er ógeðslegt”  og “Er hún ekki of gömul fyrir þetta?”þegar hún gefur dóttur sinni á veitingahúsum, skemmtigörðum, í flugvélum og í lestinni.

Jafnvel á barnavænum stöðum eru konur oft gagnrýndar fyrir brjóstagjöf. Jolene Ivey, móðir fimm drengja í Cheverly, minnist þess að hafa gefið einum sona sinna, ársgömlum, á sundlaugarbarni í hverfinu 1996. Sundlaugarvörður tilkynnti henni að hún yrði að færa sig frá lauginni. “Vörðurinn sagði að þetta skapaði hættu, því það væri bannað að vera með mat við laugina, eins og ég hefði rétt honum kókflösku,” sagði hún.

Ivey, einn stofnenda Mocha Moms, stuðningshóps fyrir litaðar heimavinnandi mæður, hafði samband við heilbrigðisyfirvöld sem leiddi til stefnubreytingar. Brjóstagjöf er leyfð að fullu. Ivey minnist þess líka að hafa verið við sjálfboðastörf í barnaskóla og þegar hún gaf syni sínum á öðru ári brjóst hafa skólastjóri komið að máli við hana og beðið hana að fara afsíðis vegna kvartana. “Því stærra sem barnið er því erfiðara að gefa á almannafæri,” segir hún.

Sumir rannsakendur telja að viðhorf til langtímabrjóstagjafar sé smám saman að breytast.  “Ég sá um spjallþætti á níunda áratugnum og þá var þetta málefni verulega sprengihætt en á síðustu tíu árum hefur viðhorfið verið að breytast til batnaðar,” segir Peggy O´Mara útgefandi og ritstjóri Mothering magazine, sem gefið er út i Santa Fe, N.M.

Kvensjúkdómafræðingurinn Ross segir að það sé í tísku að vera með börn á brjósti núna og að fyrir konur megi segja að þær geti “montað sig af að geta sagt, ég var með hann á brjósti í X langan tíma.”
Stjórnmálamenn hvetja til langtíma brjóstagjafar. The Department of Health and Human Services, deild sem komið var á fót eftir að Bandaríska brjóstagjafanefndin var stofnuð 1998, setur markið á að 25% kvenna verði með börn sín á brjósti lengur en 12 mánuði árið 2010. Og repúblikaninn Carolyn B. Maloney (D-N.Y.) ætlar að flytja frumvarp í vor sem tryggir konum að þær missi ekki störf sín, né verði fyrir áreiti né óþægindum vegna þess að þær gefa brjóst eða mjólka sig í vinnunni og að vinnuveitendur geti fengið skattaafslátt, hvetji þeir starfsmenn sína til brjóstagjafar. “Á mörgum vinnustöðum fær fólk pásu til að reykja eina sígarettu eða fá sér súkkulaði, en ekki til að mjólka sig handa barninu sínu,” segir Maloney.

Og þjóðfélagið mun verða betra þegar konur hætta að þurfa að fara í felur með að gefa börnum sínum brjóst og fer að líða vel með það, þótt börnin séu orðin stálpuð. "Á meðan konur gefa brjóst í baðherbergjum, á bak við lokaðar dyr og úr augsýn, þá verður brjóstagjöf ekki talin eðlileg, " segir Michaels, sem hefur brjóstfætt börn sín þrjú í samtals 12 ár.

Nútímamæður taka eigin ákvarðanir um lengd brjóstagjafar. En ef þær hafa góðan stuðning vina, ættingja og annarra mæðra auk menningarlegs og lagalegs stuðnings við brjóstagjöf á almannafæri og í eigin híbýlum, eru þær líklegri til að halda áfram eftir að barnið stálpast. Þær sem það gera munu í framtíðinni líta til baka til brjóstagjafaráranna með ánægju. Segir Vakiner móðirin frá Fairfax sem var með dóttur sína á brjósti til fimm ára aldurs: “ Ég er mjög ánægð með að hafa haft dóttur mína svo lengi á brjósti vegna þess að það leiddi til uppeldis þar sem ég hafði þarfir barna minna að leiðarljósi í stað þess að neyða upp á þau einhvers konar fyrirfram ákveðið þroskadagatal.

Eftir Rebeccu R. Kahlenberg, The Washington Post. Þýtt af Guðrúnu Jónasdóttur